Beeline Uzbekistan орзу қилинган автомобилларни тақдим этди!

Фото: Beeline Uzbekistan

MEGA DRIVE акцияси 2023 йил 2 майдан 2023 йил 30 июнгача ўтказилди. Ҳар куни 15 миллион сўм ўйналди, бош соврин сифатида эса иккита BYD SONG PLUS электромобили бўлди.

Акция давомида ҳар ҳафта Beeline TV ва Beeline Uzbekistan компаниясининг Facebook, Instagram ва YouTube саҳифаларида жонли эфирда 15 миллион сўм соҳибига айлаган 7 нафар ғолиб аниқланди. 900 миллион сўмлик соврин жамғармасини ўзаро бўлишиб, 60 киши ғолиб бўлди. Акция финалида эса барча иштирокчилар орасидан иккита BYD SONG PLUS электромобилининг эгалари аниқланди.

15 июль куни Tashkent City’да MEGA DRIVE финали бўлиб ўтди, унда катта концерт ва электромобиллар ўйини ташкил этилди. Минглаб одамлар концертни офлайн ва онлайн кузатиб, ўйин натижаларини кузатиб боришди.

Фарғона вилояти Қувасой шаҳридан Фаёзов Жаҳонгир ва андижонлик Эргашев Бахтиёржон автомобиль соҳибига айланишди. Ғолиблардан бири ўзининг янги машинасини ўзи ҳайдашни режалаштирганлиги, иккинчиси эса уни қайнонасига совға қилишини қарор қилганлиги ҳақида айтди.

«Мен жуда хурсандман, бу мен учун жуда ҳаяжонли лаҳза! Мен оилавий тадбирда эдим, афсуски, финалнинг жонли эфирини томоша қила олмадим. Лекин мен ютганимни билгач, жуда хурсанд бўлдим! Мен машинани ўзим ҳайдамоқчиман. Биз оилавий Beeline Uzbekistan мижозларимиз. Ҳар ой бутун оиламнинг балансини ўзим тўлдираман: ўзимга 30 минг, болаларим ва рафиқам учун 27-35 минг. Алоқа сифати яхши, барчамизга ёқади. Мен кўпроқ мобил интернетдан фойдаланаман: YouTube томоша қиламан, Telegram ва WhatsApp’да мулоқот қиламан», — деб ўртоқлашди Бахтиёржон Эргашев.

«Мен машина ютганимни билганимда, ишлар билан банд эдим ва аввалига ишонмадим! Мен уни қайнонамга беришга қарор қилдим. Биз бутун оиламиз билан 13 йилдан буён Beeline хизматларидан фойдаланамиз, одатда балансни ҳар ой 55 мингга тўлдирамиз. Мен кўпинча мобил интернетдан фойдаланаман: Telegram ва YouTube’да видео томоша қиламан», — деди Жаҳонгир Фаёзов.

Охирги 2 йил ичида бу Beeline Uzbekistan'нинг учинчи катта акцияси. Ўтган йиллар давомида digital-оператор Европа ва бошқа мамлакатларга саёҳатлар ҳамда бошқа қимматбаҳо совринларни ўйинга қўйди. Масалан, 2022 йилда суперютуқ – Hyundai LAFESTA пойтахтлик совриндорга насиб этди.

«Биз ноёб имкониятлар ва қимматбаҳо совғаларни таклиф қилиш орқали мижозларимизни хурсанд қилиш ва қўллаб-қувватлашга интиламиз, шунинг учун биз MEGA DRIVE акциясини катта мамнуният билан ўтказдик. Иккала ғолиб ҳам Beeline Uzbekistan компаниясининг кўп йиллик мижозлари экани жуда қувонтиради, уларнинг юзларидаги табассум ҳамда оилаларининг хурсанд бўлаётганини кўриш бизни чиндан илҳомлантиради. Акцияда жами 3,5 миллион нафардан ортиқ мижозларимиз иштирок этишди. Танловда иштирок этган барчага миннатдорчилик билдирамиз ҳамда Жаҳонгир Фаёзов ва Бахтиёржон Эргашевни BYD SONG PLUS электромобилларини ютганлари билан яна бир бор чин юракдан табриклаймиз! Ғолиб бўлиш насиб этмаган мижозларимиздан ранжимасликларини сўрайман, бу бизнинг бу йилги сўнгги акциямиз эмас ва сизлар Beeline Uzbekistan акцияларида иштирок этиш ва ғалаба қозониш учун олдинда кўплаб имкониятларга эгасиз. Янгиликларни компания сайтида ва Beeline Uzbekistan иловасида кузатиб боринг!» — дея хулоса қилади Beeline Uzbekistan тижорат директори Максим Ефремов.

Unitel МЧЖ 2006 йилнинг 12 сентябридан бошлаб Beeline Uzbekistan савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия) шаҳрида жойлашган VEON халқаро телекоммуникация холдинги таркибига киради.

VEON 6 мамлакатда 160 миллиондан ортиқ абонентга эга глобал телекоммуникация ва интернет хизматларини провайдери. Унинг акциялари NASDAQ ва Euronext Amsterdam фонд бозорларида жойлашган.

Beeline Uzbekistan'да 1,6 мингга яқин ходим ишлайди. 2006 йилдан буён Ўзбекистон бозорига кириши билан VEON мамлакат телекоммуникация соҳасига 1,4 миллиард АҚШ долларидан ортиқ сармоя киритди. Beeline СБ'нинг Ўзбекистондаги фаолияти давомида 2 миллиард доллардан ортиқ солиқ тўланган.