31 та давлат корхонаси акциялари Иқтисодиёт ва молия вазирлигига ўтказилади

Жорий йилнинг март ойида «Давлат иштирокидаги корхоналарни ислоҳ қилиш жараёнларини жадаллаштириш чора-тадбирлари тўғрисида»ги президент қарори қабул қилинганди.

Қарор билан 2023–2025 йилларда ислоҳ қилинадиган ва операцион самарадорлиги ошириладиган давлат иштирокидаги йирик корхоналар (31 та) рўйхати тасдиқланганди ва мазкур ташкилотларнинг акция пакетлари Стратегик ислоҳотлар агентлигига ўтказилганди.

18 август куни имзоланган «Давлат иштирокидаги корхоналар ва банкларнинг ислоҳ қилиш механизмини такомиллаштиришга доир қўшимча чора-тадбирлар тўғрисида»ги президент қарори билан мазкур 31та йирик давлат корхоналари, тижорат банклари ҳамда UzAssets инвестиция компаниясидаги давлат улуши Иқтисодиёт ва молия вазирлигига ўтказилди.

Шунингдек, Стратегик ислоҳотлар агентлигига ўтишидан олдин Тикланиш ва тараққиёт жамғармаси ихтиёрида бўлган 9та банкнинг (Агробанк, Асакабанк, Ўзсаноатқурилишбанк, Халқ банки, Туронбанк, Қишлоқ қурилиш банк, Алоқабанк, Ўзмиллийбанк, Микрокредитбанк) хусусийлаштириш жараёнларини ҳам эндиликда бевосита Иқтисодиёт ва молия вазирлиги назорат қилади.

Аввалроқ, президентнинг тегишли фармони билан президент администрациянинг тузилмасига ҳам бир қатор ўзгартиришлар киритилганди.