АҚШ Украинага кам бойитилган уранли снарядлар етказиб беришини эълон қилди

Америка Қўшма Штатлари Украинага кам бойитилган уранли снарядлар етказиб беришини эълон қилди.

«Мудофаа вазирлиги Украинанинг муҳим хавфсизлик ва мудофаа эҳтиёжларини қондириш учун қўшимча хавфсизлик ёрдамини эълон қилди», — дейилади Пентагон баёнотида. 

Идора маълумотларига кўра, 175 миллион долларлик пакет ҳаво ҳужумидан мудофаа тизимлари учун жиҳозлари, HIMARS ракета тизимлари учун қўшимча ўқ-дорилар, 155 мм ва 105 мм артиллерия ўқ-дорилари, 81 мм миномёт тизимлари ва ўқ-дорилар, Abrams танклари учун кам бойитилган уранли 120 мм снарядлар; TOW оғир танкка қарши бошқариладиган ракеталар, шунингдек Javelin ва AT-4 танкка қарши тизимлар, 3 миллиондан ортиқ ўқотар қурол учун патронлар, тактик аэронавигация тизимлари, хавфсиз алоқа тизимлари ва ёрдамчи ускуналар, тўсиқларни, эҳтиёт қисмларни ва бошқа дала жиҳозларини йўқ қилиш учун ўқ-дориларни ўз ичига олади. 

Пентагоннинг аниқлик киритишича, бу АҚШнинг 46-ёрдам пакети. 

2023 йил март ойида Пентагон Қўшма Штатлар Британиядан ўрнак олиб, Украинага кам бойитилган уранли снарядлар етказиб беришни режалаштирмаганини билдирганди. 

Аммо июн ойида АҚШ Киевга бераётган Abrams танкларини қандай жиҳозлаш бўйича бир неча ҳафталик ички мунозаралардан сўнг, Оқ уй Украинани кам бойитилган уранли снарядлар билан таъминлашга тайёрлиги маълум бўлди.