Ўзбекистон мудофаа вазири Покистон ҳарбий делегацияси билан учрашди

Мудофаа вазирлигида Покистон ҳарбий делегацияси билан учрашув бўлиб ўтди.

Фото: Мудофаа вазирлиги

Покистон Ислом Республикаси Штаб бошлиқлари бирлашган қўмитаси раиси, Миллий хавфсизлик кенгаши аъзоси генерал Сахир Шамшад Мирза бошчилигидаги ҳарбий делегация Ўзбекистон Мудофаа вазирлигига ташриф буюрди.

Меҳмонларни фахрий қоровул иштирокида расмий кутиб олиш маросими бўлиб ўтди. Ҳарбий оркестр томонидан икки давлат мадҳияси ижро этилди.

Мудофаа вазирлиги марказий аппаратида ўтказилган икки томонлама ҳамкорлик учрашувида генерал-лейтенант Баҳодир Қурбонов генерал Сахир Шамшад Мирзани Ўзбекистонга ташрифи билан қутлади ҳамда икки томонлама ҳамкорликдаги эришилаётган ютуқларга тўхталиб ўтди.

Бундан олдин АҚШ Марказий қўмондонлиги қўмондони Майкл Курилла Ўзбекистонга келгани хабар қилинганди.