Қўшимча функционаллар
-
Тунги кўриниш
Фаластин бўйича саммит иштирокчилари ўртасида келишмовчиликлар юзага келгани маълум бўлди
Араб ва Европа делегациялари ўртасидаги қарама-қаршиликлар туфайли якуний баёнот бўлмайди.
Фото: skynewsarabia.com
Фаластин бўйича Қоҳира саммитида араб ва европалик иштирокчилар ўртасида келишмовчиликлар юзага келди ва бу якуний баёнотни қабул қилишга тўсиқ бўлди. Бу ҳақда Sky News Arabia хабар берди.
«Қоҳира тинчлик саммитида араб ва Европа делегациялари ўртасидаги қарама-қаршиликлар туфайли якуний баёнот бўлмайди», деб таъкидлади телеканал.
Қайд этилишича, можарога «Исроилнинг ўзини ҳимоя қилиш ҳуқуқи»ни шакллантириш ва Фаластиннинг ҲАМАС гуруҳи ҳаракатларини қоралаш масаласи сабаб бўлган. Жумладан, европаликлар фақат ҲАМАС ҳаракатларини қоралаш тарафдори бўлган.
Аввалроқ Иордания қироли Абдуллоҳ II бин Ҳусайн Қоҳирадаги саммитда фаластинликларни депортация қилиш ғоясини қоралаган эди. Монархга кўра, Фаластин халқининг мажбуран кўчирилиши ҳарбий жиноят ҳисобланади.
Ўз навбатида, Буюк Британия ташқи ишлар вазири Жеймс Клеверли Исроил ҳукуматини вазминлик кўрсатишга ва халқаро гуманитар қонунларни ҳурмат қилишга чақирган эди.
Ғазодаги геноцид
Мавзуга оид
10:53
Грета Тунберг Лондонда Фаластинга бағишланган акцияда қўлга олинди
09:24 / 23.12.2025
Исроил ҳукумати армия радиосини ёпишни маъқуллади
15:41 / 20.12.2025
Исроил сулҳга қарамай Ғазодаги бошпанага ҳужум уюштирди: камида 6 киши ҳалок бўлди
11:40 / 18.12.2025