Украина бўйлаб зарбалар оқибатлари ва фронт чизиғига келган Зеленский. Уруш суратлари

Украинадаги урушнинг 674-куни ўтди. Асосий маълумотлар:

Россия қўшини Украина бўйлаб ёпирилма зарбалар йўллади. Жами 40 га яқин киши ҳалок бўлган, 160 дан ортиқ киши яраланган. Украина расмийларига кўра, Россия 110 га яқин ракета учирган.
Полша ҳаво кенгликларига Украина томондан «номаълум объект» кириб келган. Мамлакат бош штаби маълумотига кўра, бу россияликлар ракетаси бўлган.
Севастополдаги маҳаллий нашрлар Феодосия портидаги «Новочеркасск» йирик десант кемасига ракета зарбаси оқибатида 74 киши ҳалок бўлганини хабар қилди. Бу маълумот расман тасдиқланмаган.
Володимир Зеленский Украина қуролли кучларининг Авдийивкадаги олдинги позициясига келди.
«Медиазона» ва BBC рус хизмати Украинадаги урушда ҳалок бўлган 40 599 нафар россиялик ҳарбийнинг шахсини тасдиқлади.

Куннинг асосий воқеаси. Украин шаҳарлари бўйлаб зарбалар

29 декабрга ўтар кечаси РФ қуролли кучлари украин шаҳарлари бўйлаб ёпирилма зарбалар йўллади. Украина президенти Володимир Зеленскийнинг сўзларига кўра, жами 110 га яқин қанотли ва зенит ракеталар, шунингдек Shahed зарбдор дронлари учирилган. Украина ҚК ҳаво кучлари расмийси Юрий Игнат «мониторда бу қадар кўп нишон бўлиши аввал ҳеч қачон кузатилмагани»ни тан олган. Зарбалар Киев, Одесса, Харкив, Запорижжя, Лвив ва бошқа шаҳарлар бўйлаб берилган. Сўнгги маълумотларга кўра, ҳужум қурбонлари сони камида 38 кишини ташкил этмоқда, яна 160 дан ортиқ киши жароҳатланган. Харобалар остида яна одамлар қолган бўлиши ва қурбонлар сони янада ошиши мумкин.

Киев

Украина пойтахтининг 29 декабр тонгидаги панорама тасвири. Осмонни Россия ракеталари ва дронлари зарбалари оқибатида портлаш ва ёнғинлардан кўтарилган тутун қоплаб олган. Сўнгги маълумотларга кўра, Киевда 16 киши ҳалок бўлган.
Gleb Garanich / Reuters / Scanpix / LETA

Киев аҳолиси ҳаво тревогаси вақтида метрополитен бекатларидан бирида яширинмоқда
Sergei Chuzavkov / AFP / Scanpix / LETA

Недостроенное офисное здание рядом со станцией «Лукяновская» метро бекати яқинидаги қуриб битказилмаган бизнес маркази биноси Россия ракетаси зарбасидан қисман вайрон бўлган
Укринформ / SIPA / Scanpix / LETA

Торецк

Запорижжя

Запорижжяда ракета зарбасидан вайрон бўлган уйлардан бирини тозалаш жараёни
Kateryna Klochko / EPA / Scanpix / LETA

Маҳаллий аҳоли вакиллари Запорижжя бўйлаб ракета зарбаси қурбонларининг шахсини аниқлашда ёрдам бермоқда
Kateryna Klochko / EPA / Scanpix / LETA

Харкив

Одесса

Днипро

Лвив

Авдийивкага келган Зеленский

Украина президенти Володимир Зеленский 29 декабр куни Донецк областидаги Авдийивка шаҳрига келиб, шаҳарни Россия армияси юришидан ҳимоя қилаётган 110-алоҳида механизациялашган бригадаси жангчиларини тақдирлади. РФ ҚК томонидан октябр ойидан буён штурм қилинаётган Авдийивка айни вақтда фронтнинг энг қайноқ нуқтаси бўлиб турибди. Шаҳарда бўлган «Украинская правда» журналистлари бу ердаги уйларнинг аксар қисми бомбардимон қилингани, шаҳарда қолган аҳоли совуқ ертўлаларда кун кечираётгани ҳақида хабар қилган.

Володимир Зеленский шаҳарга кираверишдаги «Авдiiвка це Украiна» («Авдийивка — Украинадир») белгиси олдида туриб видеомурожаат қилмоқда
Украина президенти матбуот хизмати / Reuters / Scanpix / LETA

Володимир Зеленский Авдийивкадаги назорат-ўтказиш пунктида, бу жой Украина ҚК 110-алоҳида механизациялашган бригадаси жангчилари томонидан истеҳкомга айлантирилган. Президентга девон раҳбари Андрей Ермак ҳамроҳлик қилган.
Пресс-служба президента Украины / AFP / Scanpix / LETA

Херсон областида украинлар бомбардимончиси

Украинанинг Су-25 русумли бомбардимончи самолёти Херсон областидаги олдинги чизиқда
Oleksandr Ratushniak / Reuters / Scanpix / LETA

Часив Ярдаги пенсионер ҳаёти

Часив Яр — фронтдаги шаҳарлардан бири бўлиб, Бахмутдан 13 километр ғарбда жойлашган; Украина қуролли кучларининг ушбу йўналишдаги асосий таъминот йўли шу ердан ўтади. Бахмут учун жанг бошланганидан буён Россия қўшини Часив Яр бўйлаб ҳам зарбалар бериб келади.

84 ёшли Анатолий — Часив Ярда қолишга қарор қилган 900 чоғли кишилардан бири. Қуйида у қандай шароитларда яшаётгани акс этган суратлар.