Қўшимча функционаллар
-
Тунги кўриниш
Ўзбекистон фуқароларининг Озарбойжонда рўйхатдан ўтмасдан яшаш муддати 15 кунгача узайтирилди
Худди шундай қоида Ўзбекистонга келган озарбойжонликлар учун ҳам амал қилади. Шавкат Мирзиёевнинг 2023 йил 22 августда Бокуга ташрифи вақтида имзоланган тегишли ҳужжат 2024 йил 15 январдан кучга кирган.
Фото: Kun.uz
1997 йил 18 июнда имзоланган Ўзбекистон ҳукумати билан Озарбойжон ҳукумати ўртасида икки давлат фуқароларининг визасиз сафар қилиши тўғрисидаги битимга қўшимчалар ва ўзгартириш киритиш ҳақидаги баённома кучга кирди. Бу ҳақда Ўзбекистон ИИВ хабар берди.
Қайд қилинишича, баённома икки давлат фуқаролари учун қулай шарт-шароитлар яратишга қаратилган бўлиб, унда Ўзбекистон ва Озарбойжон ҳудудига кириш/чиқиш, транзит ўтиш ва 15 кун муддатга ваколатли органларда рўйхатдан ўтиш мажбуриятидан озод этилиши белгиланган.
Мазкур баённома 2023 йил 22 августда Озарбойжоннинг Боку шаҳрида имзоланиб, 2024 йил 15 январда кучга кирган.
Регистрациядан ўтмай яшаш муддати бунга қадар Ўзбекистонда 5 кунгача, Озарбойжонда эса 10 кунгача эди. Эндиликда бу муддатлар бир хил 15 кун деб белгиланди.
Эслатиб ўтамиз, Ўзбекистон ва Озарбойжон ўртасида визасиз режим ўрнатилган. Ўзбекистонликлар Озарбойжонда 90 кунгача, озарбойжонликлар эса Ўзбекистонда 30 кунгача визасиз қолиши мумкин.
Мавзуга оид
14:26
БМТ суди: Арманистон ва Озарбойжоннинг даъволари бизнинг юрисдикциямизда
17:29 / 12.11.2024
Мирзиёев БМТ миқёсида Дарё экотизимларининг бутунлиги декларациясини тузишга чақирди
23:45 / 11.11.2024
Шавкат Мирзиёев амалий ташриф билан Боку шаҳрига борди
22:20 / 08.11.2024