Ўзбекистондан Чехияга мунтазам авиақатновлар йўлга қўйилади

Qanot Sharq авиакомпанияси Тошкент-Прага йўналишида авиақатновларни амалга оширади.

Фото: Qanot Sharq

18 апрелдан Qanot Sharq авиакомпанияси Чехия пойтахти Прага шаҳрига мунтазам авиақатновларни амалга оширишни бошлайди.

Қайд қилинишича, парвозлар ҳафтада бир марта — пайшанба кунлари амалга оширилади. Бир томонга чипта нархи 4,4 млн сўмдан бошланади.

Тошкент-Прага йўналишидаги парвозлар охирги марта 2014 йилда Czech Airlines томонидан амалга оширилган, аммо кейинчалик, рентабеллик бўлмагани сабаб тўхтатилган эди.