“Ғишткўприк” чегара божхона постида йирик миқдорда дори воситалари тўхтатиб қолинди.
Тошкент вилояти божхона бошқармаси Шахсий хавфсизлик шуъбаси тезкор вакили ҳамда Контрабандага қарши курашиш бўлими тезкор тузилмалари томонидан “Ғишткўприк” чегара божхона постига пиёда ҳолда кириб келган фуқаронинг қўл юклари божхона назоратидан ўтказилди.
Жараёнда божхона назоратига тақдим қилинмаган, умумий қиймати 908 млн сўмдан зиёд 3 944 дона ҳар хил номли дори воситалари, 2 дона контейнерда Termo-Kont MK номли совитувчи элемент ҳамда 12 дона Rich creme номли соч бўёқлари борлиги аниқланди.
Ҳозирда ҳолат юзасидан божхона органлари томонидан суриштирув ҳаракатлари давом этмоқда.
Аҳолини сифатли, самарали ва хавфсиз фармацевтика маҳсулотлари билан таъминлаш мақсадида "Дорилар ва фармацeвтика фаолият ҳақида"ги қонунга мувофиқ, дори воситаларини ва тиббий буюмларни реализация қилиш фақат дорихоналар томонидан амалга оширилади.
