Фото: ИССВ
Вазирлар Маҳкамасининг тегишли қарори билан Шоҳрух Ғуломов ва Акрам Алиев инвестициялар, саноат ва савдо вазирига ўринбосар вазифасини бажарувчилар этиб тайинланди. Бу ҳақда бош вазир матбуот котиби Беҳзод Ҳидоятов маълум қилди.
Шоҳрух Ҳасанович Ғуломов (1990 йилда туғилган) тайинловга қадар мазкур вазирликнинг халқаро ҳамкорлик департаменти бошлиғи лавозимида ишлаб келган. У, шунингдек, МДҲ Иқтисодий кенгаши ҳузуридаги Иқтисодий масалалар бўйича комиссияда Ўзбекистоннинг ваколатли вакили сифатида ҳам ишлаган.
Акрам Заирович Алиев (1991 йилда туғилган) эса вазирлик департаменти директори лавозимида ишлаган.
Улар вакант турган вазир ўринбосарлари лавозимларини эгаллаган.
