Анқара: Музокарачиларни ўлдириш ва дипломатлар таҳдиди билан тинчликка эришиб бўлмайди

Туркия Ташқи ишлар вазирлиги Исроил ТИВ раҳбарининг ҳаракатларига муносабат билдирди.

Фото: AP

Туркия Ташқи ишлар вазирлиги Исроил ташқи ишлар вазири Исраэл Кацнинг ижтимоий тармоқларда турк дипломатларига қарши қаратилган нашрига муносабат билдирди.

«Музокарачиларни ўлдириш ва дипломатлар таҳдид қилиши билан тинчликка эришиб бўлмайди», деб ёзди Ташқи ишлар вазирлиги матбуот котиби Онджю Кечели X ижтимоий тармоғида.

Теҳронда ҲАМАС сиёсий бюроси раиси Исмоил Ҳаниянинг ўлдирилиши ортидан Туркияда эълон қилинган бир кунлик миллий мотам муносабати билан Тел-Авивдаги Туркия элчихонаси ва Қуддуснинг Фаластин назоратидаги қисмидаги мамлакат бош консуллигида байроқлар туширилди.

Шундан сўнг Исроил ташқи ишлар вазири Исраэл Кац ижтимоий тармоқларда турк дипломатларига қарши қаратилган нашрни чоп этди.

Тайёрлаган Отабек Матназаров

#Туркия #Исроил

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.