“Ўзбекистон ва Қозоғистон ўртасидаги дўстона муносабатлар – бутун дунёга намуна” — Саида Мирзиёева
“Ер юзида зиддиятлар авж олаётган бир пайтда, Шавкат Мирзиёев ва Қосим-Жўмарт Тўқаев сиёсий тандеми Марказий Осиёни энг хавфсиз, гуллаб-яшнаётган, дўстона ҳудудга айлантиришга интилмоқда”, – деди президент ёрдамчиси Остонадаги нутқида.
![](https://storage.kun.uz/source/10/44qJY7truNT6UwaEul6zCr1JS_QQwJ0H.jpg)
Фото: Саида Мирзиёева / Telegram
Бугун Ўзбекистон ва Қозоғистон ўртасидаги дўстона муносабатлар бутун дунёга намуна, деди Ўзбекистон президенти ёрдамчиси Саида Мирзиёева Остонада бўлиб ўтган “Заковат” ўйинларида сўзлаган нутқида.
У ўз сўзи аввалида ўзбек ва қозоқ халқларининг яқин дўстлигини қайд этди. Ўзимизни худди уйимизда юргандек ҳис қиляпмиз, умумий жиҳатларимиз жуда кўп: анъаналар, урф-одатлар, маданият, ошхонамиз, исмлар, тарих, дин ва меҳмондўстлигимиз, деди Мирзиёева.
“Нега айнан бугун ўзимизни худди уйимиздагидек ҳис қиляпмиз, деяпман? Илгари қандай бўлганини эслайсизми? Менинг ёдимда. Ҳамманинг ёдида.
Совуққина муносабатлар... Ўзбекистон билан Қозоғистон чегарасида соатлаб навбат кутиш... Ҳадик... Ўзимизни уйимизда юргандек ҳис қила олармидик?
Бугун эса Ўзбекистон ва Қозоғистон ўртасидаги дўстона муносабатлар бутун дунёга намунадир. Бизнинг йўлбошчиларимиз энг муҳим саволларга жавоб топа олдилар. Ер юзида зиддиятлар авж олаётган бир пайтда, Шавкат Мирзиёев ва Қосим-Жўмарт Тўқаев сиёсий тандеми Марказий Осиёни энг хавфсиз, гуллаб-яшнаётган, дўстона ҳудудга айлантиришга интилмоқда”, – дея таъкидлади Мирзиёева.
Мавзуга оид
![](https://storage.kun.uz/source/thumbnails/_medium/10/GGtXN3a4PVxSFvmr_j5jk2AS1JOO0vic_medium.jpg)
14:21
Ўзбекистон элчиси Қозоғистон президентига ишонч ёрлиқларини топширди
![](https://storage.kun.uz/source/thumbnails/_medium/10/0MjSAhgcEtQiH4Nf6JBPW_3TUJq4UGus_medium.jpg)
14:41 / 11.09.2024
"Сиз имконсиз нарсанинг ўзи йўқлигини яна бир бор исботладингиз" - Саида Мирзиёева паралимпиячиларга миннатдорлик билдирди
![](https://storage.kun.uz/source/thumbnails/_medium/10/72wfEHWiJkui3uAx2urLWDxWi33Hn7HK_medium.jpg)
16:35 / 10.09.2024
Саида Мирзиёева Михаил Мишустин билан учрашди
![](https://storage.kun.uz/source/thumbnails/_medium/10/ApGfdw_n6hOU791ghWV7zeALz1dmRbQc_medium.jpg)
12:16 / 10.09.2024