Исроил армияси 24 соат ичида Ғазода 25 фаластинликни ўлдирди

2023 йил 7 октябрдан бери Исроилнинг Ғазо секторига уюштирган ҳужумлари натижасида ҳалок бўлган тинч аҳоли сони 40 минг 99 нафарга етди.

Фото: Anadolu Agency

Исроил армиясининг Ғазо секторида охирги 24 соат ичида уюштирган ҳужумларида 25 киши ҳалок бўлди, 72 киши тан жароҳати олди.

Ғазо Соғлиқни сақлаш вазирлигидан берилган баёнотда, Исроилнинг Ғазо секторида 317 кундан бери уюштирган ҳужумлари ҳақидаги маълумотлар келтирилди.

Ушбу маълумотга кўра, Исроил армиясининг Ғазо секторида ўтган 24 соат ичида содир этган икки ҳужумида ҳалок бўлган 25 кишининг жасадлари шифохоналарга келиб тушган.

2023 йил 7 октябрдан буён Исроилнинг Ғазо секторига уюштирган ҳужумлари натижасида ҳалок бўлган тинч аҳоли сони 40 минг 99 нафарга, яраланганлар сони эса 92 609 нафарга етди.

Тайёрлаган Отабек Матназаров

#Исроил #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.