Исроил элчиси Ўзбекистон ташқи ишлар вазирига ишонч ёрлиқлари нусхасини топширди

Янги элчи 2020-2024 йилларда Исроилнинг Тошкентдаги элчихонасига раҳбарлик қилган Зеҳавит Бен Ҳиллел ўрнига тайинланди.

Фото: ТИВ

Ўзбекистон ташқи ишлар вазири Бахтиёр Саидов Исроилнинг янги тайинланган элчиси Гидеон Лустигни қабул қилди.

"Исроилнинг Ўзбекистондаги янги тайинланган Элчиси Гидеон Лустиг жанобларидан ишонч ёрлиқлари нусхаларини қабул қилиб олдик, – деб ёзди Ўзбекистон ТИВ раҳбари. – Икки томонлама ҳамкорликнинг қатор йўналишлари, айниқса, илғор технологиялар соҳасида фикр алмашдик. Биз барчанинг фаровонликка эришиши йўлида Яқин Шарқдаги вазиятни тезроқ барқарорлаштиришга чақирамиз. Жаноб Элчига Ўзбекистонда самарали фаолият олиб боришини тилаймиз".