Қўшимча функционаллар
-
Тунги кўриниш
Ўзбекистон Яқин Шарқдаги вазият кескинлашаётганидан чуқур хавотирда — ТИВ
Ўзбекистон можарони халқаро нормалар ва БМТ Хавфсизлик Кенгашининг қарорларига мувофиқ тинч йўл билан ҳал этиш учун шошилинч чоралар кўриш зарурлигини яна бир бор таъкидлади.
Фото: Reuters
Ўзбекистон Яқин Шарқдаги вазият шиддат билан кескинлашаётганидан чуқур хавотирдалигини билдиради. Бу ҳақда Ташқи ишлар вазирлиги матбуот хизмати хабар берди.
«Танглик даражасининг янада ортиши кенг минтақада хавфсизликка нисбатан бўлган хатар ва таҳдидларнинг мисли кўрилмаган даражада кучайишига ва бутун халқаро ҳамжамият учун олдиндан айтиб бўлмайдиган оқибатларга олиб келиши мумкин, деб ҳисоблаймиз.
Биз қарама-қарши томонларни вазминликка ва кескинликнинг янада кучайишига олиб келиши мумкин бўлган ҳаракатлардан тийилишга чақирамиз», — дейилади баёнотда.
Ўзбекистон томони можарони халқаро нормалар ва Бирлашган Миллатлар Ташкилоти Хавфсизлик Кенгашининг қарорларига мувофиқ тинч йўл билан ҳал этиш учун шошилинч чоралар кўриш зарурлигини яна бир бор таъкидлайди.
Эслатиб ўтамиз, 2023 йил октябрда Ўзбекистон ТИВ Яқин Шарқдаги қуролли можарони фақат дипломатик воситалар билан ҳал этишга чақирган эди.
Исроил ва «Ҳизбуллоҳ» уруши
Мавзуга оид
13:31 / 03.11.2024
АҚШдаги сайловлар: Яқин Шарқдаги уруш фонида исроилпараст лобби пуллари қаёққа кетяпти?
11:18 / 29.10.2024
«Эронни ечинтиришди» — шарқшунос нега форслар Исроилга қарши чиқолмаётгани ҳақида
18:59 / 26.10.2024
Эрон Исроил зарбаларига жавоб қайтариш ҳуқуқидан фойдаланади — ТИВ
11:50 / 22.10.2024