Марказий Осиё тарихида илк бор Парламентлараро иттифоқ ассамблеяси Ўзбекистонда ўтказилади
Сенат раиси Танзила Норбоева Женевага ташрифи доирасида Парламентлараро иттифоқ раиси ва бош котиби билан учрашиб, Ўзбекистонда бўлиб ўтадиган 150-ассамблеяси дастури, тадбирга доир режалар ва янги лойиҳаларни муҳокама қилди.

Фото: senat.uz
Ўзбекистон Олий Мажлис Сенати раиси Танзила Норбоева Женева шаҳрида ўтаётган Парламентлараро иттифоқнинг (ПИ) 149-ассамблеясида иттифоқ раиси Тулия Эксон билан учрашди. Бу ҳақда парламент юқори палатаси матбуот хизмати хабар берди.
Қайд этилишича, суҳбат давомида сўнгги йилларда мамлакатдаги иқтисодий ривожланиш, ижтимоий ҳимоя тизимининг такомиллашгани ҳамда инсон ҳуқуқлари устуворлигини таъминлаш борасидаги ислоҳотлар Тулия Эксон томонидан алоҳида эътироф этилган.
Шу билан бирга, Барқарор ривожланиш мақсадлари йўналишидаги фаолият ва бу борада Ўзбекистон парламенти томонидан амалга оширилаётган ишлар қайд этиб ўтилган.
Бундан ташқари, Марказий Осиё тарихида илк бор Ўзбекистонда бўлиб ўтадиган Парламентлараро иттифоқнинг 150-ассамблеяси дастури, тадбирга доир режалар ва янги лойиҳалар ҳам муҳокама қилинган.
Шунингдек, Танзила Норбоева ПИ бош котиби Мартин Чунгонг билан ҳам учрашув ўтказган. Музокаралар давомида Ўзбекистон парламентининг Парламентлараро иттифоқ билан ҳамкорлик алоқалари, келгусидаги режалари кўриб чиқилган.
«Ўзбекистоннинг Парламентлараро иттифоқ фаолиятига қўшган катта ҳиссаси учун миннатдорчилик изҳор этаман. Иттифоқнинг 150-юбилей ассамблеяси Тошкент шаҳрида ўтиши ўзаро ҳамкорликнинг асосий воқелиги десам бўлади», — дейди Мартин Чунгонг.
Женевага ташриф давомида Сенат раиси бошчилигидаги Ўзбекистон делегацияси «Тинч ва барқарор келажак учун фан, технология ва инновациялардан фойдаланиш» мавзусидаги дебатда иштирок этди.
Унда Ўзбекистон томонидан сўнгги йилларда илм-фанни ривожлантиришга қаратилган амалий ишлар олиб борилаётгани, бу борада қисқа вақт ичида кўплаб ҳуқуқий ҳужжатлар қабул қилингани қайд этилган. Амалга оширилаётган ислоҳотлар натижасида Ўзбекистон 2023 йилда Глобал Инновациялар индекси рейтингида 2015 йилга нисбатан 40 поғонага кўтарилгани алоҳида эътироф этилган.
Мавзуга оид

13:10 / 22.03.2025
Тошкентда Халқаро парламентлараро иттифоқнинг 150-юбилей сессияси бўлиб ўтади

21:03 / 14.03.2025
Биз Ўзбекистонни Россиянинг 10 та ишончли ҳамкорларидан бири деб ҳисоблаймиз — Вячеслав Володин

07:25 / 13.02.2025
Танзила Норбоева Европа Иттифоқининг Ўзбекистондаги элчиси билан учрашди

15:01 / 23.01.2025