Қашқадарё вилояти ҳокимига Британиядан маслаҳатчи тайинланди

Ўзбекистон элчиси Равшан Усмонов Қашқадарё вилояти ҳокимининг инвестициялар ва экспорт масалалари бўйича янги тайинланган маслаҳатчиси – Британиянинг Room Seven Capital Partners компаниясининг бошқарувчи ҳамкори Петер Маргеттс билан учрашув ўтказди.

Фото: ИЗВЕСТИЯ/Сергей Лантюхов

Суҳбат давомида Қашқадарё вилоятига хорижий инвестицияларни ва компанияларни жалб қилиш масалалари муҳокама қилинди.

Музокаралар якунида жорий йил 4 ноябр куни Британия ишбилармон доиралари вакилларининг Ўзбекистонга бизнес-миссиясини ташкил этиш бўйича келишувга эришилди.

Ташриф давомида Британия делегацияси Ўзбекистоннинг вазирлик ва идораларида ҳамда Тошкент, Қарши ва Термиз шаҳарларида В2В форматида бир қатор учрашувлар ўтказади.