Бухоро вилояти ҳокимига икки нафар янги ўринбосар тайинланди

Бухоро вилояти ҳокими ўринбосари лавозимида ишлаб келган Мирали Ҳамроев ва Феруза Ибрагимова ўз лавозимларидан озод этилди. Бу ҳақда вилоят ҳокимлиги матбуот хизмати хабар берди . 

2020 йилдан бери Бухоро вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келган Мирали Муҳаммаджонович Ҳамроев ўз аризасига кўра ишдан бўшатилди.

Унинг ўрнига Бахтиёр Алишерович Одилов тайинланди. 

Бахтиёр Одилов 1986 йил 22 июнда Бухоро шаҳрида туғилган. 2008 йилда Бухоро давлат университетини битирган. Маълумоти бўйича мутахассислиги — иқтисодчи. Та йинловга қадар Бухоро вилояти Иқтисодиёт ва молия бош бошқармаси бошлиғи вазифасида ишлаб кел аётган эди. 

Шунингдек, Феруза Ибрагимова бошқа ишга ўтаётгани муносабати би  лан Бухоро вилояти ҳокимининг ўринбосари – Оила ва хотин-қизлар бошқармаси бошлиғи лавозимидан озод қилинди.

Унинг ўрнига Ҳафиза Ортиқова тайинланди.   

Ҳафиза Ортиқова 1976 йил 24 декабрда Бухоро туманида туғилган. 1997 йилда Бухоро давлат университетини битирган. Биология фанлари доктори, профессор. Айни пайтга қадар у Бухоро давлат педагогика институтининг ёшлар масалалари ва маънавий-маърифий ишлар бўйича биринчи проректори вазифасида ишлаб келаётган эди.

Аввалроқ, президент йиғилишидан кейин, Бухоро вилоятидаги учта туман ва бир шаҳар ҳокимлари ҳам ўзгарган эди.