Қўшимча функционаллар
-
Тунги кўриниш
ФИФА Украина харитасини Қримсиз кўрсатганидан «афсусда»
Украина футбол ассоcиацияси ўз сайтида ФИФАнинг ўз даъволарига жавобини эълон қилди. Аввалроқ, ЖЧ-2026 саралаш турнирига қуръа ташлаш маросимида мамлакат харитаси Қримсиз кўрсатилган эди.
Фото: Ennio Leanza/KEYSTONE/picture alliance
ФИФА халқаро футбол федерацияси Украина футбол ассоциациясига (УФА) 2026 йилги футбол бўйича жаҳон чемпионати саралаш турнирига қуръа ташлаш маросими чоғида Қримнинг мамлакат харитасида йўқлиги ҳақидаги шикояти юзасидан жавоб берди. УФА 15 декабр, якшанба куни ўз сайтида ФИФАга аъзо ассоциациялар билан ишлаш бўйича директор Элхан Мамедов имзолаган хатни эълон қилди.
Хатда айтилишича, инфографикани учинчи шахс тайёрлаган. ФИФАнинг қўшимча қилишича, вазиятни тўғрилаш учун аллақачон чоралар кўрган ва келажакда бундай ҳолат такрорланмаслиги учун ички текширув бошланган. «Биз ушбу мавзунинг нозиклигини тўлиқ тушунамиз ва гарчи воқеа қасддан содир бўлмаган бўлса ҳам, у сабаб бўлиши мумкин бўлган ҳар қандай ташвиш учун чин дилдан афсусдамиз», деб тушунтирди федерация.
ЖЧ-2026 саралашига қуръада Украина харитаси Қримсиз кўрсатилди
2026 йилги футбол бўйича жаҳон чемпионати саралаш турнирига қуръа ташлаш маросимида видеода Украина харитаси Қрим яримороли акс эттирилмаган ҳолда кўрсатилган эди. Шундан сўнг, УФА ФИФА ва УЕФА Европа футбол иттифоқига шикоят қилган.
2026 йилги жаҳон чемпионати АҚШ, Канада ва Мексикада бўлиб ўтади. Унинг учун саралаш турнирида Украина терма жамоаси Франция – Хорватия жуфтлиги ғолиби, Исландия ва Озарбойжон терма жамоалари билан тўқнаш келади. Гуржистон жамоаси Туркия, Болгария ва Испания ёки Нидерландияга қарши ўйнайди; Қозоғистон — Белгия, Уэлс, Шимолий Македония ва Лихтенштейн билан. Германия терма жамоаси ё Словакия, Шимолий Ирландия ва Люксембург, ёки Норвегия, Исроил, Эстония ва Молдова билан бир гуруҳдан жой олади.
