Тасодифан эҳсон қутисига тушиб кетган iPhone унинг эгасига қайтарилмади

Ҳиндистонда бир эркак смартфонини тасодифан эҳсон қутисига тушириб юборди ва уни қайтариб олишга уринишлари бесамар бўлди.

Фото: Видеодан кадр

Ҳиндистоннинг Ченнай шаҳридаги ҳиндлар ибодатхонасида ташриф буюрган зиёратчилардан бири тасодифан iPhone смартфонини эҳсон қутисига тушириб юборади.

Зиёратчи қўлидаги телефонини эҳтиётсизлик қилиб, билмасдан қутига тушириб юборганини, бу эҳсон эмаслигини ҳар қанча тушунтирмасин ибодатхона хизматчилари уни қайтариб беришдан бош тортишган.

«The Times of India»нинг хабарида айтилишича, ибодатхона анъаналарига кўра, эҳсон қутисига тушган ҳар қандай нарса "маъбудларнинг мулки" ҳисобланади.

Эркак фақат SIM-картасини олиб, шахсий маълумотларини ўчиришга рухсат олган. Ҳинд диний жамоат ташкилоти раҳбарлари ҳам шу фикрда қолишган ва фуқаронинг шикоятини рад этишган.