Фарғонадан Истанбулга учиши керак бўлган рейс кечиктирилди

Uzbekistan Airways’нинг Фарғона—Истанбул йўналиши бўйича 18 январда учиши керак бўлган рейси техник сабаблар туфайли кечиктирилди.

Фото: Uzbekistan Airways

Uzbekistan Airways’нинг Фарғона—Истанбул йўналиши бўйича 18 январ куни амалга оширилиши керак бўлган рейси кечиктирилди. Бу ҳақда авиакомпания матбуот хизмати хабар берди.

Қайд этилишича, рейснинг HY278 рейси техник сабабларга кўра кечиктирилган. Таъкидланишича, авиакомпаниянинг техник хизматлари томонидан қўшимча текширувлар ўтказилгач, янгиланган жадвал тақдим этилади.

«Uzbekistan Airways учун йўловчиларимизнинг хавфсизлиги энг асосий вазифа ҳисобланади. Ноқулайликлар учун узр сўраймиз ва тушунишингизга умид қиламиз», — дейилади хабарда.

Эслатиб ўтамиз, 15 январ куни Uzbekistan Airways’нинг HY9607 Бухоро–Москва йўналишида парвоз қилган самолёти Внуково аэропортига қўнаётганда двигателлардан бири ишдан чиққанди. Компания хабарига кўра, экипаж томонидан тегишли чоралар кўрилиб, қўниш муваффақиятли амалга оширилган. Ҳаво кемаси бортида 132 йўловчи бўлган.

#Истанбул #рейс #Uzbekistan Airways