Руминияда Георгескуга президентлик сайловида иштирок этишга рухсат берилди

Февраль ойида Руминия хавфсизлик хизматлари президентлик сайловининг биринчи босқичида энг кўп овоз тўплаган Калин Георгескуни ҳибсга олди, кейинроқ сайлов натижалари бекор қилинган эди.

Калин Георгеску Фото: AP / Alexandru Dobre

Руминия Конституциявий суди президентлик сайловида Калин Георгеску номзодининг рўйхатга олинишига қарши норозиликни рад этди. Бу ҳақда суд матбуот хизматининг 8 март куни берган баёнотида айтилган.

Калин Георгеску устидан шикоятлар бир кун аввал, 7 март куни президентликка номзодини рўйхатдан ўтказганидан кейин келган эди.

Февраль ойи охирида Руминия хавфсизлик хизматлари президентлик сайловининг биринчи босқичида энг кўп овоз тўплаган Калин Георгескуни ҳибсга олди, кейинроқ сайлов натижалари бекор қилинди. Сиёсатчининг шериклари фашистик ташкилот тузиш бўйича иш доирасида қидирувга берилган.

Аввалроқ, Руминия Миллий хавфсизлик кенгаши Россиянинг Георгескуни қўллаб-қувватлаш кампаниясини, жумладан, киберҳужумлар ва ижтимоий тармоқлар алгоритмларини манипуляция қилишни тасдиқловчи махфий материалларни эълон қилган эди.