NASA Ой юзасидан қуёш ботиши қандай кўринишини намойиш этди

2 март куни NASA илмий ва техникавий ютуқлари намойиши доирасида Ойга қўнганидан сўнг Firefly Aerospace компаниясининг Blue Ghost Mission 1 космик кемаси 16 март куни ўз миссиясини якунлади.

Firefly компаниясининг Blue Ghost ой аппарати Mare Crisium кратерига NASA томонидан ишлаб чиқилган 10 та илмий асбобни етказди.

Парвоз давомида Blue Ghost бир нечта фотосуратлар ва видеоларни, жумладан, қуёшнинг тўлиқ тутилиши ва Ой юзасидан қуёш ботишини тасвирга олди. Миссия ниҳоясига етгунча тахминан 14 кун давом этди, бу бир қамарий кунга ва бир неча соатлик қамарий кечага тенг.

Firefly миссияси Ойда энг узоқ давом этган тижорат миссиясига айланди.

Миссия давомида Blue Ghost Ерга 119 гигабайт, жумладан, 51 гигабайт илмий ва техник маълумотларни узатди. Бундан ташқари, барча асбобларга илмий тадқиқотлар ўтказиш ва таҳлил қилиш учун қўшимча маълумотларни тўплаш, шу жумладан қуёш тутилиши ва қуёш ботиши пайтида қўшимча имкониятлар берилди.