Тошкентнинг 4 та туманида иссиқ сув вақтинча ўчирилади

Veolia Energy Tashkent хабарига кўра, 2025 йил 24 март куни иссиқлик тармоқларининг максимал ҳароратга чидамлилиги синовдан ўтказилади. Шу муносабат билан шу куни соат 9:00 дан 18:00 гача қуйидаги манзилларда иссиқ сув таъминоти вақтинча тўхтатилади:

Шайхонтоҳур тумани
- кўчалар ва шоҳкўчалар: Навоий, Беруний, Ислом Каримов, Самарқанд Дарвоза, Абай, Абдулла Қодирий, Чорсу, Гулобод.
- майдонлар ва мавзелар: Чорсу, Қоратош.
- мавзелар ва даҳалар: Марказ-10, 11, 13, 14.

Олмазор тумани
- кўчалар ва шоҳкўчалар: Олмазор, Кичик ҳалқа йўли, Маннон Уйғур, Қорақамиш, Ҳувайдо.
- мавзе: Олмазор.
- мавзелар ва даҳалар: Қорақамиш 2/1, 2/2, Марказ-26, 27, 28.

Чилонзор тумани
- кўчалар ва шоҳкўчалар: Бунёдкор, Пахтакор, Фурқат, Бешёғоч, Талабалар, Нурафшон, Зиё, Шифонур.
- мавзе: Бешёғоч.
- мавзелар ва даҳалар: Б-1, Б-2, Б-3.

Юнусобод тумани
- кўчалар: Аҳмад Дониш, Шаҳристон, Янги Юнусобод, Юнусота, Жума масжид.
- мавзелар ва даҳалар: №2–19, Янги шаҳар, Деҳқонобод, Соҳибкор, Уч Қаҳрамон, Мойқўрғон, Қулоқтепа.

Синовлар келаси иситиш мавсумига пухта тайёргарлик кўриш мақсадида ўтказилмоқда.

Максимал ҳароратдаги синовлар давомида қувур тизимларига юкнинг қисқа муддатли ошиши мумкин, бу эса иссиқ сув йўллар ва тротуарларга чиқиб кетиши мумкин.

Ҳайдовчилар, пиёдалар, маъмурий бинолардан фойдаланувчилар ва турар жой бинолари аҳолисидан эҳтиёткорликка риоя этиш сўралган.

Барча носозликлар ҳақида қуйидаги телефон рақамига хабар бериш мумкин: (78) 129-01-85.