Ҳонгконг миллий хавфсизликка таҳдид туфайли биринчи марта видеоўйинни тақиқлади

Расмийлар бу ўйинни исён ва ҳукуматни ағдаришга чақириш деб ҳисобламоқда.

Фото: ESC Taiwan

Ҳонгконг маъмурлари давлат тартибига таҳдид солиши мумкинлигини ҳисобга олиб, видео ўйинни тақиқлаш учун биринчи марта миллий хавфсизлик қонунидан фойдаланди.

Bloomberg хабарига кўра, тайванлик дастурчилар томонидан яратилган Reversed Front: Bonfire мобил ўйинига тақиқ қўйилди. Унда фойдаланувчилар Ҳонгконг, Тайван, Тибет ёки Хитойни танлаши ва виртуал қарама-қаршиликда, жумладан, коммунистик режимга қарши иштирок этиши мумкин эди.

Ҳонгконг полициясига кўра, ўйин қуролли қаршилик кўрсатиш ғояларини тарғиб қилади ва ҳукуматни ағдаришга ундайди. Қонун доирасида расмийлар ўйин билан боғлиқ онлайн контентни блоклашни бошлади ва фуқароларни уни юклаб олишдан қайтарди. Ушбу илованинг тарқатилиши ёки ҳатто ўрнатилиши энди сепаратизмга даъват сифатида талқин қилиниши мумкин.

Ўйин аллақачон Ҳонгконгдаги App Store ва Google Play дўконларидан йўқолди, ишлаб чиқувчилар эса изоҳ беришдан бош тортмоқда. Улар аввалроқ Google нафрат элементларини ўз ичига олган фойдаланувчи номлари устидан назорат етарли бўлмагани учун лойиҳа ўчириб ташланганини айтишганди.