Исроилдаги хорижликлар визаси муддати автоматик тарзда узайтирилди

Жумладан, ишчилар, сайёҳлик ва талабалар визаси муддати 30 сентябргача узайтирилди.

Фото: VCG

Исроилдаги жорий хавфсизлик вазияти муносабати билан Ички ишлар вазирлиги ҳамда Аҳоли ва иммиграция масалалари бошқармаси томонидан баъзи хорижликларнинг визаси муддати 2025 йил 30 сентябргача узайтирилди. Бу ҳақда Ўзбекистоннинг Исроилдаги элчихонаси хабар берди.

Муддати узайтирилган виза турлари қуйидагилар:

- B/1 — ишлаш учун (умумий);

- B/2 — сайёҳлик визаси;

- A/1 — репатриантлар визаси;

- A/2 — талабалар визаси;

- A/3 — диний ходимлар визаси;

- A/4 — A/2 ва A/3 виза эгаларининг оила аъзолари визаси.

Қайд қилинишича, ушбу автоматик узайтириш фақат 2025 йил 12 июнь куни ёки ундан кейин визаси муддати тугаётган хорижий фуқароларга тааллуқли.

Хорижликлардан ҳеч қандай қўшимча ҳаракатлар талаб қилинмайди — муддат узайтирилиши автоматик равишда амалга оширилади.