Абитуриентларга рухсатномаларни бериш бошланди

Тест синовларига кириш учун абитуриентларга “Абитуриент рухсатномаси”ни бериш бошланди.

Фото: Kun.uz

“Абитуриент рухсатномаси”ни my.uzbmb.uz сайтидаги шахсий кабинетидан юклаб олиши мумкин. Қайд варағи саҳифасида юклаб олиш тугмаси пайдо бўлган.

Шунингдек, шахсий кабинетга кирмасдан, шунчаки my.uzbmb.uz/allow/bachelor-allow саҳифаси орқали паспорт серияси ва рақами ҳамда ЖШШИР рақамини киритган ҳолда олиши мумкин.

Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳолда келиши лозим.

Паспорт нусхаси ёки бошқа ҳужжатлар билан келган, шунингдек, кечикиб келган абитуриентлар тест синовларига киритилмайди.