Энг кўп кибержиноятлар Telegram ва WhatsApp орқали содир этилаётгани айтилди

Фирибгарлар Telegram орқали “Бу сенми?” деган ёзув билан зарарли файлларни жўнатишмоқда. WhatsApp орқали эса гўёки банк ходимлари номидан қўнғироқ қилишмоқда ёки хабар юборишмоқда.

Фото: picture-alliance/dpa/W. Kastl

Ижтимоий тармоқлар ва мессенжерлардан фойдаланиб содир этилган жиноятларнинг аксарияти Telegram ва WhatsApp мессенжерларига тўғри келади. Бу ҳақда Россия ички ишлар вазирлиги маълум қилди.

Маълумот берилишича, охирги бир ҳафта ичида Telegram орқали 414 ва WhatsApp орқали 313та кибержиноят содир этилган. Жиноят содир этишда “ВКонтакте”дан 19 марта, “Одноклассники”дан бир марта фойдаланилган.

Вазирлик фирибгарлардан ҳимояланиш учун антивирус ўрнатишни тавсия қилди. Киберхавфсизлик мутахассисларининг огоҳлантиришича, фирибгарлар Telegram орқали “Бу сенми?” деган ёзув билан зарарли файлларни жўнатишмоқда. WhatsApp орқали эса гўёки банк ходимлари номидан қўнғироқ қилишмоқда ёки хабар ёзишмоқда.

#WhatsApp #Telegram #кибержиноятлар