NBC: Трамп 13 август куни Европа етакчилари ва Зеленский билан мулоқот қилади

15 август куни Доналд Трамп Аляскада Россия президенти Владимир Путин билан учрашиши режалаштирилган.

Фото: REUTERS

АҚШ президенти Доналд Трамп 13 август куни Европа мамлакатлари раҳбарлари ва Украина президенти Володимир Зеленский билан телефон орқали мулоқот қилади. Бу ҳақда NBC News телеканали хабар берди.

Хабарга кўра, АҚШ етакчисининг қўнғироғи Зеленскийнинг Европа давлатлари вакиллари билан музокараларидан сўнг амалга оширилиши кутилмоқда.

Ундан сўнг эса катта эҳтимол билан Зеленскийнинг Киевни қўллаб-қувватловчи ЕИ давлатлари, шунингдек, Буюк Британия ва Канада вакиллари билан музокаралари ўтказилади.

15 август куни Доналд Трамп Аляскада Россия президенти Владимир Путин билан учрашиши режалаштирилган. Учрашувда Украинадаги низони бартараф этиш масаласи муҳокама қилинади.

#АҚШ #Европа #Доналд Трамп

Kun.uz янгиликларини Google News'да кузатинг

+ Обуна бўлиш