Трамп Лукашенко билан қўнғироқлашди

Беларус президенти Доналд Трампга оиласи билан Минскка ташриф буюришни таклиф қилди.

Фото: Getty images

АҚШ президенти Доналд Трамп Беларус президенти Александр Лукашенко билан телефон орқали мулоқот қилди.

"Суҳбатдан мақсад, 16 нафар маҳбусни озод қилгани учун унга миннатдорлик билдириш эди. Биз шунингдек, яна 1300 маҳбуснинг озодликка чиқарилиши масаласини муҳокама қиламиз", - деб ёзди Америка етакчиси Truth Social ижтимоий тармоғида.

Беларус президенти матбуот хизмати ҳам мазкур мулоқот ҳақида хабар берди.

"Икки мамлакат етакчилари икки томонлама ҳамкорлик, минтақавий мавзулар ва қайноқ нуқталар, хусусан, Украинадаги вазиятни муҳокама қилди. Беларус президенти Доналд Трампни оиласи билан Минскка ташриф буюришни таклиф қилди ва ушбу таклиф қабул қилинди", - дейилади хабарда.

#Александр Лукашенко #Доналд Трамп

Kun.uz янгиликларини Google News'да кузатинг

+ Обуна бўлиш