“Украинадаги урушни энг осон ҳал қилинадиган можаро деб ўйлагандим” - Трамп

Доналд Трамп юзма-юз суҳбат олдидан журналистлар билан мулоқот қилди.

“Украинада ўт очишни тўхтатишга эҳтиёж қолмади”, деди Трамп.

Унинг сўзларига кўра, Украина бўйича тинчлик келишувини жанговар ҳаракатлар вақтида ҳам келишиш мумкин.

“Агар ўшанда мен президент бўлганимда бу уруш бўлмасди”, деди Доналд Трамп яна бир бор.

Унинг билдиришича, Украинанинг НАТОга аъзо бўлиши тўғрисида сўз бормайди, “лекин уларга жуда яхши хавфсизлик кафолатлари тақдим этилади”.

“Украинадаги урушни энг осон ҳал қилинадиган можаро деб ўйлагандим, аммо энг қийини бўлиб чиқди”, деб таъкидлади АҚШ президенти.