Ушбу кузда Uzbekistan Airways Тюменга парвозларни бошлайди

Тюмен – Сибирнинг энг қадимий шаҳарларидан бири бўлиб, бой тарихий мерос ва замонавий ҳаёт ритмини ўзида мужассам этган. Шаҳар ўзининг шинам квартал ва музейлари, гўзал Тура дарёси қирғоғи, Ошиқлар кўпригидан кўринадиган манзаралар, шунингдек, қишда ҳам суви илиқ бўладиган машҳур қайноқ булоқлари билан машҳур. Тюменнинг ўзига хос жозибадорлиги ҳар фаслда янгича намоён бўладиган табиатга яқинлигидадир.

Кейинги саёҳатингизни Тюменга режалаштиринг ва бу шаҳар нима учун миллионлаб одамлар қалбини забт этаётганини билиб олинг! Uzbekistan Airways 27 сентябрдан бошлаб ҳар ҳафта шанба кунлари мунтазам авиақатновларни амалга оширишни бошлайди.

Парвозлар жадвали (маҳаллий вақт кўрсатилган):

• Тошкентдан жўнаб кетиш 17:00, Тюменга етиб бориш 20:00 (HY9691 авиақатнови);

• Тюмендан жўнаб кетиш 21:15, Тошкентга етиб келиш эртаси куни 00:05 (HY9692 авиақатнови).

Авиачипталар нархи:

• бир томонга – 2 556 000 сўмдан бошлаб;

• бориш-келиш – 4 520 000 сўмдан бошланади.

Uzbekistan Airways билан Тюменга саёҳат қилинг! Авиачипталарни booking.uzairways.com сайтида, Uzbekistan Airways Sales филиалида, авиакомпания агентларидан ёки Google Play ва App Store’да юклаб олиш мумкин бўлган мобил иловада харид қилинг.

Реклама ҳуқуқи асосида