Instagram муаллифлар учун Rings мукофотини таъсис этди

Фото ва видеоларни эълон қилиш учун мўлжалланган Instagram ижтимоий тармоғи 25 нафар энг яхши муаллифни тақдирлайдиган ўз мукофотини эълон қилди, деб ёзди The Hollywood Reporter.

Ғолиблар мода ва пардоздан тортиб, спорт ва кўнгилочар машғулотларгача бўлган турли мавзулар ва контент муаллифлари орасидан танлаб олинади.

Мукофот совриндорлари инглиз модельери Грейс Уэлс Боннер томонидан ишлаб чиқилган узукка эга бўлади, уларнинг профилларида эса аватар ва ҳикоялар атрофида олтин узук пайдо бўлади.

Лауреатлар 2026 йилда эълон қилинади, дейилади Instagram блогида.