Тошкент шаҳри ва вилояти ўртасида янги автобус йўналиши ишга туширилди

Автобус «Ўзбекистон меҳмонхонаси» бекати — «Янги Тошкент» бекати йўналишида ҳаракатланади.

Фото: Kun.uz

12 октябрдан бошлаб, янги 197-сонли автобус йўналиши ишга туширилди, деб хабар берди Транспорт вазирлиги.

“Йўл ҳаракати хавфсизлигини таъминлаш, йўл-транспорт инфратузилмасини яхшилаш ва тирбандликларни камайтириш чора-тадбирлари юзасидан 2025 йил 9 июль куни ўтказилган видеоселектор йиғилишидаги топшириқ ижроси доирасида Тошкент вилоятининг барча ҳудудларини пойтахт билан боғлаш бўйича амалий ишлар давом этмоқда”, дейилади хабарда.

Вазирликнинг хабар қилишича, автобус «Ўзбекистон меҳмонхонаси» бекати — «Янги Тошкент» бекати йўналишида ҳаракатланади.

Маълумот берилишича. йўналишда ўрта сиғимли замонавий “Ютонг” автобуслари йўловчиларга соат 05:30 – 22:50 га қадар хизмат кўрсатади.

#автобус #Тошкент

Kun.uz янгиликларини Google News'да кузатинг

+ Обуна бўлиш