Маск ўзининг одамсимон Optimus роботи қашшоқликни йўқ қилишини айтди

Унинг янги версияси 2026 йил 1 чорагида тақдим этилиши кутилмоқда.

Илон Маск Tesla компаниясининг одамсимон Optimus роботи қашшоқликни йўқ қилиш ва ҳар бир кишини тиббий ёрдам билан таъминлаш имконини беришини айтди.

«Optimus қашшоқликни бартараф этади ва барча учун умумий юқори даромадни таъминлайди», деб ёзди Маск ўзига тегишли Х ижтимоий тармоғида.

Optimus - Маскка тегишли Tesla компанияси томонидан ишлаб чиқилган одамсимон робот. Унинг биринчи прототипи 2022 йил октябрь ойида тақдим этилган. Роботнинг Optimus Gen 2 деб номланувчи кейинги версияси 2023 йил декабрь ойида намойиш этилган. Маск янги версияни 2026 йил 1 чорагида тақдим этишга ваъда берди.

Tesla бу оммавий ва арзон одамсимон робот бўлиб, кундалик ишларда одам ўрнини босишини ваъда қилмоқда. Маск ҳатто узоқ муддатли истиқболда бундай роботлар «смартфондан ҳам арзонроқ» бўлиши мумкинлигини айтган.

Тайёрлаган: Сардор Юсупов

#Илон Маск #робот #камбағаллик #Optimus