Саудия Арабистони 2026 йилдан хорижликларга кўчмас мулк сотиб олишга рухсат беради

Саудия Арабистонининг тўртта йирик шаҳри – Ар-Риёд, Макка, Мадина ва Жиддада хорижликларга уй-жой, тижорат, саноат ва қишлоқ хўжалиги объектлари, шунингдек, алоҳида ҳудудларда қурилиш учун участкалар сотиб олишга рухсат берилиши режалаштириляпти. «Харидор мусулмон бўлиши шарт, бундан бошқа жиддий чекловлар бўлмайди», деган қироллик кўчмас мулкни рўйхатдан ўтказиш бошқармаси ижрочи директори Фаҳад Бин Сулаймон.

Фото: REUTERS

Саудия Арабистони 2026 йилдан чет элликларига қироллик ҳудудида кўчмас мулк сотиб олишга рухсат бериши мумкин. Бу ҳақда Bloomberg хабар берди.

Ҳукумат «Vision 2030» стратегияси доирасида инвестициялар жалб қилиш ва иқтисодиётни диверсификация қилиш мақсадида кўчмас мулк тўғрисидаги қонунга ўзгартиришлар киритиш устида ишлаяпти. Тегишли фармон жорий йилнинг июл ойида имзоланган бўлиб, ўзгартиришлар 2026 йил январ ойида қабул қилиниши кутиляпти.

Янги таҳрирдаги ҳужжатда мамлакатнинг тўртта йирик шаҳри – Ар-Риёд, Макка, Мадина ва Жиддада хорижликларга уй-жой, тижорат, саноат ва қишлоқ хўжалиги объектлари, шунингдек, алоҳида ҳудудларда қурилиш учун участкалар сотиб олиш имконини тақдим қилиниши кўзда тутилган.

Чет элликлар учун кўчмас мулкни рўйхатдан ўтказиш бошқармаси ижрочи директори Фаҳад Бин Сулаймоннинг сўзларига кўра, Макка ва Мадинада кўчмас мулкни фақат чет эллик мусулмонлар сотиб олиш ҳуқуқига эга бўлади.

«Харидор мусулмон бўлиши шарт, бундан бошқа жиддий чекловлар бўлмайди», деган у.

Шунингдек, белгиланган ҳудудларда чет элликлар мулкининг чекланган улуши 70 фоиздан 90 фоизгача бўлади.