Тошкентда намлик пурковчи улкан қурилма синовдан ўтказилмоқда

Пойтахт ҳокимлиги сув микрозаррачаларини узоқ масофаларга пурковчи дисперсия қурилмасини синовдан ўтказишга киришди.

Тошкент шаҳар ҳокимлиги эълон қилган видеодан кадрлар

Бу – пойтахт шароитига мослаштирилаётган инновацион воситалардан бири, дейилади ҳокимлик баёнотида.

Ускунани ўрнатиш учун танланган илк жойлардан бири – Олмазор туманидаги Тахтапул массивида жойлашган 1-сонли юқумли касалликлар шифохонаси.

Синов тафсилотлари кейинроқ маълум қилинади.

Аввалроқ Ўзгидромет ҳаво ифлосланиши жорий ҳафта охиригача давом этишини маълум қилганди.

24 ноябр куни президент Шавкат Мирзиёев “Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида” фармон имзолади. Ҳужжат билан, пойтахтда экологик муаммоларни ҳал этиш бўйича махсус комиссия тузилди.