АҚШ Россияга тинчлик режасининг тузатиш киритилган лойиҳасини топширди

Тинчлик режаси Украина ва АҚШ делегацияларининг Женевадаги учрашувидан кейин ўзгартирилган. Россия унинг нусхасини олгани таъкидланмоқда.

Фото: Reuters

Россия президенти Владимир Путиннинг матбуот котиби Дмитрий Песковнинг айтишича, АҚШ Кремлга Украина бўйича тинчлик режасининг «асосий параметрларини» юборган, улар Женевадаги АҚШ ва Украина маслаҳатлашувлари якунлари бўйича аллақачон қайта ишланган. Унинг сўзларига кўра, ҳужжат Москвага топширилган ва у бўйича суҳбат келаси ҳафтага режалаштирилган.

23 ноябр куни Украина ва АҚШ делегациялари Женевада учрашув ўтказди, унинг якунлари бўйича, президент Володимир Зеленский сўзларига кўра, томонлар «тинчлик бўйича янгиланган ва такомиллаштирилган ҳадли ҳужжатни» тайёрлади. Киев «сезиларли тараққиётни» эълон қилди ва ҳар қандай якуний матн адолатли тинчликни таъминлаши ва Украинанинг тўлиқ суверенитетини сақлаб қолиши кераклигини таъкидлади. Песковнинг таъкидлашича, айнан шу қайта кўриб чиқилган вариант Россияга топширилган.

Тинчлик режаси дастлаб 28 банддан иборат эди. Женевада Украина ва АҚШ делегациялари ҳужжатни сезиларли даражада ўзгартирди: бандлар сони 28 тадан 19 тага қисқартирилди ва энг россияпараст позициялар чиқариб ташланди. Киевнинг таъкидлашича, «дастлабки версиядан жуда оз нарса қолган».

Тайёрлаган: Сардор Юсупов

#Россия #АҚШ #Украина