Қўшимча функционаллар
-
Тунги кўриниш
Трамп Мадурони қўлга олиш операцияси тафсилотларини маълум қилди
Доналд Трампнинг сўзларига кўра, Венесуэла раҳбарини қўлга олиш бўйича операция аслида аввалроқ ўтказилиши керак бўлган.
Венесуэла президенти Николас Мадуро АҚШ махсус кучлари томонидан «қалъа ичида» қўлга олинди, деди Америка етакчиси Доналд Трамп.
Трамп шунингдек, Венесуэла раҳбарини қўлга олиш бўйича операция аслида аввалроқ ўтказилиши режалаштирилганини айтди.
«Биз буни тўрт кун олдин амалга оширмоқчи эдик, аммо об-ҳаво ноқулай бўлди», — деди у.
АҚШ президентининг сўзларига кўра, операцияда иштирок этган ҳарбийлар орасида қурбонлар йўқ, бир неча нафар аскар яраланган.
Трампнинг сўзларига кўра, Мадуро ва унинг рафиқаси Американинг Iwo Jima авиаташувчи кемасида Ню-Йоркка олиб келинмоқда.
«Уларни вертолётда авиаташувчига келтиришган ва ишончим комил, бу парвоз уларга ёққан. Лекин улар кўплаб одамларни ўлдирган, буни ёдда тутиш лозим», – деди АҚШ президенти.
Трампнинг айтишича, у операциядан бир ҳафта олдин Мадуро билан гаплашган ва уни таслим бўлишга чақирган.
АҚШ бош прокурори Памела Бондининг маълум қилишича, Николас Мадурога нисбатан наркотерроризм, кокаин ташиш, ноқонуний равишда қурол-яроғ сақлаш ҳамда Қўшма Штатларга қарши пулемётлар ва портловчи қурилмаларни сақлаш айбловлари эълон қилинган.
Мадуронинг қулаши
