Бухоро вилояти Қурилиш ва уй-жой коммунал хўжалиги бош бошқармаси бошлиғи тайинланди

Ўзбекистон Қурилиш ва уй-жой коммунал хўжалиги вазирининг тегишли буйруғига мувофиқ, Улуғбек Абдуҳалимович Абдуллаев Бухоро вилояти Қурилиш ва уй-жой коммунал хўжалиги бош бошқармаси бошлиғи лавозимига тайинланди.

Маълум қилинишича, бунга қадар мазкур лавозимда ишлаб келган Соҳибжон Файзуллаевич Жумаев вазифасидан озод этилган.

Тайинловга қадар Улуғбек Абдуллаев Бухоро вилояти ҳокимлиги ҳузуридаги Bukhara City дирекцияси давлат унитар корхонаси директори лавозимида фаолият юритиб келган.