Ҳафта ўртасида аксар ҳудудларда ёмғир ёғиши кутилмоқда

Ўзбекистонда ҳафта ўртасида ёмғир ёғиб, ҳарорат пасайиши кутилмоқда, дея хабар берди Ўзгидромет.

Душанба кундузи Ўзбекистон ҳудудининг катта қисмида қуруқ ва нисбатан илиқ об-ҳаво сақланиб туради. Куннинг ўртасига келиб, ҳаво +13…+18 даражагача, жанубда +20…+23 даражагача исийди.

Фақат Қорақалпоғистон Республикасида куннинг иккинчи ярмида баъзи жойларда ёғингарчилик (ёмғир, қор) бўлади. Ҳаво ҳарорати +2…+7 даража атрофида бўлади. Хоразм вилоятининг айрим жойларида бироз ёмғир ёғиши мумкин.

Сешанба куни Қорақалпоғистон Республикаси, Хоразм, Бухоро, Навоий ва Тошкент вилоятларида баъзи жойларда ёмғир ёғади. Республиканинг қолган ҳудудларида ёғингарчилик кутилмайди. Ҳарорат фони деярли ўзгармайди.

Чоршанба куни шимоли-ғарбий ҳудудларда ва чўл ҳудудларда, пайшанба куни республиканинг аксарият вилоятларида ёмғир ёғади, шимолда ёғингарчилик (ёмғир, қор) бўлади. Ҳаво ҳарорати +8…+11 даражагача, шимолда –2…+3 даражагача пасаяди.

Жума куни Ўзбекистон ҳудуди бўйича ёғингарчилик кутилмайди, фақат Фарғона водийси вилоятларида кечаси баъзи жойларда бироз ёмғир ёғиши мумкин. Ҳаво ҳарорати 2–3 даражага кўтарилади.

Ўзбекистоннинг тоғолди ва тоғли ҳудудларида 24–26 феврал кунлари вақти-вақти билан ёғингарчилик (ёмғир, қор), 26 февралда айрим жойларда кучли бўлади. Шамол 7–12 метр/сония тезликда эсади, республика бўйича баъзи жойларда 13–18 метр/сониягача кучаяди, 25–26 февралда айрим жойларда баъзида 20–25 метр/сониягача кучайиши, 25 февралда чанг-тўзонлар билан кузатилиши мумкин.

Тошкент шаҳрида душанба кундузи ёғингарчилик кутилмайди. Ҳарорат +14…+16 даража бўлади. Сешанба куннинг иккинчи ярмида бироз ёмғир ёғиши мумкин. Ҳарорат кечаси +4…+6 даража, кундузи +14…+16 даража бўлади.

Чоршанба куни ёғингарчилик кутилмайди, фақат кечқурун ёмғир ёғиши мумкин. Ҳарорат кечаси +7…+9 даража, кундузи +16…+18 даража бўлади.

26 февралда вақти-вақти билан ёмғир ёғади. Ҳарорат кечаси +5…+7 даража, кундузи +10…+12 даража бўлади. 27 февралда ёғингарчилик кутилмайди. Ҳарорат кечаси +3…+6 даража, кундузи +12…+15 даража бўлади.

Шамол ўзгарувчан йўналишда 3–8 метр/сония тезликда эсади, 25–26 феврал кунлари 10–12 метр/сониягача кучайиши мумкин.