Тошкентда Франция виза маркази очилди

Энди виза учун ариза топшириш ва ҳужжатларни қабул қилиш фақат TLSContact маркази орқали амалга оширилади.

Фото: Франциянинг Ўзбекистондаги элчихонаси

Франциянинг Ўзбекистондаги элчиси Валид Фук Тошкент шаҳрида Францияга бориш учун барча виза аризаларни қабул қилишга масъул янги TLSContact марказини тантанали равишда очди.

«TLSContact марказининг очилиши мамлакатларимиз ўртасидаги алоқалар мустаҳкамланаётганининг яна бир ифодасидир», дейилади Франция элчихонаси хабарида.

Таъкидланишича, энди виза учун ариза топшириш ва ҳужжатларни қабул қилиш фақат TLSContact маркази орқали амалга оширилади. Бу хизмат кўрсатиш сифатини янада оширишга қаратилган.