Эрон АҚШ ва Исроилни уран концентрати ишлаб чиқарувчи заводга зарба беришда айблади

Зарбалар пайтида ҳеч ким ҳалок бўлмаган, ҳозир аҳоли учун радиация хавфи ҳам йўқ.

Фото: Getty Images

АҚШ ва Исроил Эроннинг Язд вилоятидаги Эрдекан шаҳрида жойлашган уран концентрати ишлаб чиқарувчи заводга ҳужум қилди. Бу ҳақда Эрон атом энергетикаси ташкилоти маълум қилди.

Бугун Эрон расмийлари Эроннинг Хондаб шаҳридаги оғир сувли тадқиқот реакторига Америка-Исроил ҳужуми ҳақида ҳам хабар берди. Зарбалар пайтида ҳеч ким ҳалок бўлмаган, ҳозир аҳоли учун радиация хавфи ҳам йўқ.

24 март куни Эрон расмийлари Эрон-Россия қўшма лойиҳаси бўлган «Бушер» атом электр станцияси ҳудудига зарбалар берилганини эълон қилди. «Росатом» раҳбари Алексей Лихачев сўзларига кўра, «жиддий қоидабузарликлар ва вайронагарчиликлар йўқ».

АҚШ ва Исроил қуролли кучлари 28 февраль куни Эронга ҳужум қилди. Бунга жавобан Теҳрон Исроил ҳудуди ва Яқин Шарқ мамлакатларидаги Америка ҳарбий базаларига зарбалар бера бошлади, шунингдек, Ҳўрмуз бўғозидан кемалар ўтишини чеклади.

Тайёрлаган Сардор Юсупов

#АҚШ #Эрон #Исроил

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.