Kun.uz: Rossiyalik huquqshunos, “Irqchilik va ksenofobiyasiz mamlakat” jamoat harakati koordinatori Bahrom Ismoilov Redpen.uz saytiga bergan intervyusida o‘z faoliyati haqida so‘zlab berdi. Joriy yilning aprelida Bahrom Ismoilov prodyuserligida Rossiyadagi mehnat muhojirlariga zug‘um o‘tkazilishiga qarshi videolavha internetga joylashtirilgan edi. Bu video millionlab odamlar tomonidan ko‘rib chiqilib, ma'lum shuhratga erishdi. O‘z navbatida, Ismoilovning nomi ham internet ahliga tanish bo‘lib qoldi.
“Bizning jamoatchilik harakatimiz irqchilik va ksenofobiyaga qarshi kurashadi, - dedi huquqshunos muloqot chog‘ida. - Rossiyaning ko‘p millatli aholisini tashkil qiluvchi deyarli barcha gurular bu illatning qurboni bo‘lishi mumkin, shu jumladan ruslar ham – ruslarga bo‘lgan nafrat ksenofobiyaning boshqa turlaridan aytarli farq qilmaydi. Shunga qaramay, men har doim takrorlayman: O‘zbekistonda tug‘ilib o‘sganimdan faxrlanaman. Temur Ismanov aytganidek, har bir o‘zbek mening qardoshim, o‘zbek qizi esa singlim”.“Afsuski, oxirgi paytlarda Rossiya jamiyatida mening xalqimga qarshi ksenofobiya kayfiyatlari o‘sib bormoqda, - qo‘shimcha qildi u. – Menga bu narsalarni chetdan kuzatib turish og‘irlik qiladi, bundan tashqari, ularning bari sun'iy ekanligiga ishonchim komil, negaki rus va o‘zbek xalqlari tarixan yaqin bo‘lganlar. Baxtimizga, davlat bizga to‘sqinlik qilmayapti, lekin yordam ham bergani yo‘q. Umuman, davlatning o‘z funksiyalari bor”.
