Qozog‘iston prezidenti Nursulton Nazarboyev Rossiyaga qarshi joriy qilingan iqtisodiy cheklovlar tushunarsiz ekanligini hamda BMT tomonidan tasdiqlanmaganini aytib o‘tdi.
“Iqtisodiy inqiroz, asosiy eksport mahsulotlarimiz narxlarining tushishi, hech kimga tushunarsiz, BMT tomonidan tasdiqlanmagan sanksiyalar ishlashimizga xalaqit bermoqda”, - dedi u Rossiya prezidenti Vladimir Putin bilan o‘tkazilgan ikki tomonlama uchrashuv chog‘ida.
Shuningdek, TASS agentligining ma'lum qilishicha, Nazarboyev Qozog‘iston har doim Rossiyaning “yaxshi qo‘shnisi va do‘sti” bo‘lib qolishini ta'kidlab o‘tdi.
