AQSh Avstraliyada strategik bombardimonchi samolyotlarni joylashtiradi

AQSh Mudofaa vazirining Osiyo-Tinch okeani mintaqasi xavfsizlik masalalari bo‘yicha yordamchisi Devid Shir Pentagonning Avstraliyada strategik bombardimonchi va uchuvchisiz samolyotlarni joylashtirish haqidagi rejalarini ma'lum qildi. Bu haqda Foreign Policy nashri xabar berdi.

Tovush tezligidan tez uchadigan B-1B “Lanser” bombardimonchi samolyotlari va “Global Xok” og‘ir uchuvchisiz parvoz qurilmalari Avstraliyada mavjud bo‘lgan AQSh dengiz qo‘shinlari korpusining kuchlarini to‘ldirishi kerak bo‘ladi.

Nashrning ta'kidlashicha, AQSh Xitoyning o‘sib borayotgan ta'siriga qarshi mintaqada o‘zining harbiy joylashuvini kuchaytirishni rejalashtirmoqda.

AQShning quruqlikdagi kontingenti Avstraliyada 2012 yilda joylashtirilgan va uning soni borgan sari oshib bormoqda. 2014 yilda Vashington va Kanberra o‘rtasida 25 yil muddatga birgalikda joylashish va mashg‘ulotlar o‘tkazish haqida kelishuv imzolangan edi. 2016 yilgacha Avstraliyada 2500 nafar dengiz qo‘shinlari harbiylari joylashtirilishi mo‘ljallanmoqda.

B-1B bombardimonchi samolyotlari 1970-yillarda yaratilgan va dastlab yadroviy jangovor qismga ega AGM-69 SRAM aeroballistik raketalarini qo‘llagan holda yadroviy ushlab turish masalalarini bajarish uchun mo‘ljallangan edi. SRAM raketalari qurollanishdan olingandan keyin bu samolyotlarda turli turdagi erkin holda tushuvchi raketalar qo‘llanmoqda va bu samolyotlar JASSM yuqori aniqlikdagi noyadroviy qanotli raketlarini qo‘llay oladi.

2015 yilning aprelida avval Jangovor aviatsion ko‘mondonlik tarkibida harbiy vazifalarni bajargan B-1B samolyotlarini AQSh yadroviy triadasining yer usti va aviatsion qismini nazorat qiluvchi global zarba berish qo‘mondonligi tarkibiga o‘tkazish haqida qaror qabul qilingan edi. Bu holat yadroviy va noyadroviy kuchlarni bir rahbariyat ostida birlashtirib, strategik ushlab turishning samaradorligini oshiradi, deb hisoblanmoqda.