Afg‘oniston qo‘shinlari bir kunda “Tolibon” harakatining 130 dan ko‘proq jangarisini yo‘q qildi

Afg‘oniston Qurolli kuchlarining maxsus operatsiyasi davomida oxirgi kunlarda “Tolibon” harakatining kamida 138 jangarisi yo‘q qilindi, deb xabar berilmoqda Afg‘oniston Ichki ishlar vazirligining rasmiy saytida.

Maxsus operatsiyalar Kunduz, Farob, Badahshon, Sari-Pul, Qandag‘or, Zobul, O‘ruzgan, G‘azniy, Paktika, Nangarxor va G‘or viloyatlarida o‘tkazilgan. Operatsiya davomida 138 jangari o‘ldirilgan, 83 nafari yaralangan, 7 nafar jangari Afg‘oniston milliy xavfsizlik kuchlari tomonidan qo‘lga olingan.

Vazirlikning ma'lumotlariga ko‘ra, harbiylar jangarilarga tegishli yengil va og‘ir turdagi qurol-aslaha, 55 ta mototsiklni aniqlashga muvaffaq bo‘lganlar. Politsiyachilar tomonidan 7 ta qo‘lbola portlovchi qurilma xavfsizlantirilgan.

Afg‘onistonda bir necha yillardan beri “Tolibon” rakidal harakati faoliyat ko‘rsatib keladi. Hukumat qo‘shinlari jangarilarga qarshi muntazam ravishda maxsus operatsiyalar o‘tkazib keladilar. Ko‘pincha bu to‘qnashuvlarda tinch aholi vakillari ham qurbonlar bo‘ladi.