"Manchester Yunayted" Chempionlar Ligasiga qur'a tashlashda 2-savatchadan joy oladi

“Manchester Yunayted” Angliya chempionatining yetakchi to‘rtligidan o‘ziga joy ta'minlab qo‘ydi va bu unga keyingi mavsumda Chempionlar Ligasida ishtirok etish huquqini beradi.

“Liverpul” jamoasi “Kristal Pelas”dan 1:3 hisobida mag‘lub bo‘lgandan keyin, Chempionlar Ligasida ishtirok etish uchun barcha imkoniyatlardan mahrum bo‘ldi.

Agar Lui van Gal jamoasi chempionatni 4-natija bilan yakunlasa, Chempionlar Ligasining guruh bosqichiga yo‘l olish uchun kvalifikatsiya bosqichining finalida ishtirok etishiga to‘g‘ri keladi.

Musobaqaning guruh bosqichiga qur'a tashlashda “Yunayted” 2-savatchadan o‘rin oladi va guruhlarga bo‘lish qoidalariga ko‘ra, UYeFA reytingining birinchi yettita davlati chempionlaridan biri (“Chelsi”dan tashqari) bilan bir guruhda o‘ynaydi. Agar 2014/2015 yillardagi mavsumda Chempionlar Ligasining g‘olibi o‘z davlatining chempion jamoasi bo‘lsa, “PSV” jamoasi 1-savatchadan joy oladi.

Shu tariqa, Chempionlar Ligasining guruh bosqichida “Bavariya”, “PSJ”, “Yuventus”, PSV, “Barselona” va/yoki “Real”, “Benfika” yoki “Portu”, “Zenit” yoki “Krasnodar” jamoalari “MYu” ning raqiblari bo‘lishlari mumkin.