Chexiyadagi xokkey bo‘yicha jahon chempionati eng ko‘p tomoshabin tashrif buyurgan musobaqa bo‘ldi

Chexiyada bo‘lib o‘tgan xokkey bo‘yicha jahon chempionati uchrashuvlariga 740 ming tomoshabin tashrif buyurdi. Shu tariqa, ushbu ko‘rsatkich bo‘yicha yangi rekord o‘rnatildi.
Ilgarigi rekord 2014 yilda Minskda bo‘lib o‘tgan chempionatda o‘rnatilgan edi (640 044 tomoshabin).
Kanada va Rossiya terma jamoalari o‘rtasida bo‘lib o‘tgan final uchrashuvini tomosha qilish uchun O2 Arena maydoniga 17 383 kishi keldi. Uchrashuv kanadaliklar foydasiga 6:1 hisobi bilan yakunlandi.
2016 yildagi chempionat Moskva va Sankt-Peterburg shaharlarida o‘tkaziladi.