Svetlana Radzivil Pekinda bo‘lib o‘tgan IAAF World Challenge turnirida 4-o‘rinni egalladi

O‘zbekiston terma jamoasi a'zosi bo‘lgan Svetlana Radzivil Xitoy poytaxti Pekinda bo‘lib o‘tgan IAAF World Challenge turnirida balandlikka sakrash bo‘yicha musobaqalarda 4-o‘rinni egalladi. Bu haqda musobaqa rasmiy saytida xabar qoldirilgan.

Rasmiy saytdagi mazkur tur bo‘yicha natijalar bo‘limida yozilishicha, Radzivil 1,88 metr balandlikni ukrainalik Oksana Okuneva bilan bir xil ko‘rsatkichda oshib o‘tgan.

Musobaqada birinchi o‘rnini rossiyalik 2012 yilgi London olimpiadasi o‘yinlari g‘olibi Anna Chicherova yo‘lga kiritgan. Chicherova oltin medalni qo‘lga kiritishi uchun 1,94 m balandlikni zabt etishi kifoya qilgan. Ikkinchi o‘rinni 1,91 m balandlikni oldinroq zabt etgani uchun xorvatiyalik Ana Shimichga, uchinchi o‘rin esa sent-lyuislik Levern Spenserga nasib qilgan.